🟣 كفارة يا شاعر جوابات للبلد
هاشم سلام
علك بخير
وكفارة يا شاعر جوابات للبلد
والله ما شمتان عليك
لكني داير أذكرك
شفتك ممدد وانت حي
في كارو في نص البلد
وحمارو ما قادر يمش
من الجثث من الحفر
والسايقو ينبح حاو ووش
يا ربي عارفك إت منو
وتقدر تقول ليو يا ولد
تقدر تقول إنك خدعت الناس سنين
نايمين وآمنين في البيوت
تكتب :تعبنا من السهر
يتقهوجو ويتونسو
وضحكاتم السمرا الجميلة
الرايقة زي ضل العصر
تكتب تقول لوكو الصبر
يمشوا النساوين للخضار
خمسبن جنيه تملا البيوت بالخير
ويبتهجو الصغار
تكتب تقول: لمتين حنصبر للفقر
شفعنا ألوان العلم
في كل صباح
يملو الشوارع بالغنا
تكتب تقول:
تعليم أليم وضهر المعلم انكسر
بنوتنا ستات العفاف
والحشمة أخوات القمر
ماشات على الجامعات ألوف
تكتب تقول:
ما شفنا في السودان دة خير
ما فيهو خير
وشبعنا مر
وحقولنا توب اخضر جميل مد البصر
عين شعرك الحولة انعمت
ما شايفة غير شجر العشر
في كل يوم انجاز جديد
كبري وطريق
مستشفى جامعة
ومدرسة ومليون مقر
نفس القصايد ياها في نفس الجرايد
ياها والهم ينتشر
سودتو عيشنا وكنا في جنة نعيم
ما خفتو من ذنب البشر؟
انت ومعاك امثالك العملو الش
التعليقات مغلقة.