تقع لي فوق

5

تَجُرْ بى سبحتك عددك
وتسأل عن زمن مددك
والوطن الزمان وعَدَك
تقع لي فوق
وعن يوم فوق جبل مشنوق
تجُر فوق فكرتك واسوق
تشتت قُدرتك ماروق
وترمى البذرة من جواك
وتغرِفْ من ضلوعك شوق
وتسقيها
تخاف ما تموت تخليها
يهدِّنْ خوفك الميراث
وناس فيها البكفيها
هموم هدت جبال واكتاف
نلاحق فى زقاق العتمة
ضواً أصلو ما ملحوق
ونبرا الحِلْمْ بعيونا
يغشنا بي رهاب الغمضة
نلقى نَفِسنا جوة السوق
ومعروضين سلع فى رفوف
بي اتمان رصاص وسيوف
ومقطوعين شِدر زارعنو
شربناهو موية الشوق
وضاعت فى الزحام خطواتنا
طشت فكرة الواسوق !!!

مكاشفي – 2010م

التعليقات مغلقة.

error: Content is protected !!