فايروس سرقونا

2

بابكر سلك

*نحن شعب قوي
*العالم أصابتو كورونا قعد يولول
*أمريكا كشحت التراب في راسها
*وقاطعت الصين
*إيطاليا رمادها كال حمادها
*فرنسا تصرخ وتوصف
*إسبانيا بكت لمن غمرت
*الإنجليز فرشوا عديييل
*الروس موت التيوس
*الصين سبلتو وانتهى العزاء بالمقابر
*عيونهم الصغار ديل لمن قفلن الورم من البكا
*العالم كلو رقد واطة في تلاته شهور
*هييييييع
*نحنا تلتين سنة مصابين بفايروس سرقونا
*بغم ماقلناها
*أكلناها في جلدنا ده
*تلتين سنة والفايروس مامعروف لعدم وجود الأجهزة التي تفحصو وتكتشفو
*ناس الطب الشعبي اكتشفوا فايروس سرقونا من بدري
*من عيون الزول بفحصوا حالتو
*وسموهوا باسماء مختلفة
*ماكانوا عارفين انو الاسم العلمي بتاع الفايروس هو سرقونا
*بعضهم سماهو زقلونا
*وبعضهم سماهو جبرونا
*وبعضهم سماهو صابرين
*البعض استبعد الإصابة بفايروس سرقونا
*لأنهم كانوا بفتكروا انو التطعيم بمصل ( لا لدنيا قد عملنا) جايب حقو
*وبالذات التطعيم بمصل (هي لله)
*بارك الله في مختبر التفكيك للفحص المختبري الحديث الذي يفحص الحالات حالة حالة ويكتشف الفايروس
*بالمناسبة فايروس سرقونا ده شكلو مربعات ومخططات بي شوارعها
*مازي فايروس كورونا الدائري ابو نتوءات
*ومرات ليهو ريالة
*ابو ريالة ده أخطر أنواع الفايروس
*بصيب المربعات النواصي بس
*والغريب في فايروس سرقونا ده انو مابفرق بين حق العباد وحق المعبود
*عادي ممكن يضرب ليك وقف خمسين سنة مايتعالج
*مازي فايروس كورونا شغلو كلو في العباد بس
*عشان كدة حقو أمريكا في بحثها عن علاقة ووهان بفايروس كورونا
*تشوف لينا معاها من اين اتي هذا الفايروس للسودان
*ايها الناس
*سؤال برئ
*اهل الحرامي اولادو وبناتو وبنات اخوانو واخواتو
*بكونوا عارفين قريبهم حرامي
*ولا بكونوا داقسين زي باقي الناس؟
*ايها الناس
*إن تنصروا الله ينصركم
*اها
*نجي لي شمارات والي الخرتوم
*والينا
*ماتقول لينا
*جيت لقيت كل الأرض باعوها وشي ماخلوهوا لينا.
سلك كهربا
ننساك كيف والكلب قال يوم الخميس من الصباح قلبي بكون في يدي خايف على بيتي
وإلى لقاء
سلك

التعليقات مغلقة.

error: Content is protected !!