ما بتنقلب

4


عبدالوهاب هلاوي:

*دي الثورة في عيون العيون*
*والثورة في قلب القلب*

ودي إرادة الشعب الجميل
لو مات عديل
عانى وتعب
*ما بتنقلب*
*ما بتنقلب*
*ما بتنقلب*

لو الصباح بقى لينا ليل
وامتد صف العيش عديل
من بري ل ام بده السبيل
لو تتكي السما في الارض
لو الشمس تشرق غرب
لو ننضرب
لو ننصلب
*ما بتنقلب*
*ما بتنقلب*
*ما بتنقلب*

مابتنقلب
لو الفرح بدا مستحيل
لو نفنى جيل
ورا جيل وجيل
*دى حكاية الشعب الأصيل*
*يا القرشي يا عبد الفضيل*
*يا عركي يا قبر الخليل*
صبرا جميل
يا كل محب
*ما بتنقلب*
*دي الثوره في عيون العيون*
*والثوره في قلب القلب*
*مابتنقلب*
*ما بتنقلب*
*ما بتنقلب*

التعليقات مغلقة.

error: Content is protected !!